पोखराबाट काठमाण्डौं छुटेको माईक्रो दुलेगौंडामा पल्टियो, चालक गम्भिर घाइते
Spread the love
पोखरा । पोखराबाट काठमाण्डौं जाँदै गरेको माइक्रोबस तनहुँको दुलेगौंडामा दुर्घटना भएको छ । पृथ्वीरामार्ग अन्तर्गत दुलेगौँडा गल्छिनामा आइतबार बिहान माइक्रो दुर्घटना हुँदा एक जना गम्भिर घाइते भएका छन् ।
पृथ्वी यातायात व्यवसायीद्वारा संचालित ना १ ख २९७० नं. माइक्रो बस दुर्घटना हुँदा माइक्रोका चालक गोरखा आरुघाट गाउँपालिका ३ निवासी ३६ वर्षीय धर्म गुरुङ घाइते भएको इलाका प्रहरी कार्यालय बेलचौताराले जनाएको छ ।
गुरुङको अनुहार र ढाडमा चोट लागेका छ । घाइते गुरुङलाई उपचारको लागि पोखरा स्वास्थ्य विज्ञान प्रतिष्ठान (पश्चिमाञ्चल क्षेत्रीय अस्पताल) ल्याईको छ । माइक्रो नालामा पल्टिएको छ । यात्रुहरु भने सबै सकुशल रहेका छन् ।
तस्विरः भञ्ज्याङ न्यूज
Spread the love