एएफसी यु-२३ छनोटमा नेपाल समूह ‘बी’मा
एएफसी यु-२३ छनोटमा नेपाल समूह ‘बी’मा परेको छ। यो समूहमा नेपालसँगै इरान, लेवनान र ताजकिस्तान परेका छन्।
एसियाली फुटबल महासंघ (एएफसी) ले ४२ टिमलाई शुक्रबार ११ समूहमा विभाजन गरेको हो।
११ सूमहबाट १५ टिम सन् २०२२ मा उज्वेकिस्तानमा हुने एएफसी यु-२३ प्रतियोगितामा छनोट हुनेछन्।
उज्वेकिस्तान आयोजकको रुपमा स्वत: छनोट भएको प्रतियोगितामा १६ टिम भिड्नेछन्।
छनोटबाट ११ समूहका विजेता र समूहमा दोस्रो हुने उत्कृष्ट ४ टिम एएफसी यु-२३ छनोट प्रतियोगितामा पुग्नेछन्।
छनोट प्रतियोगितामा आगामी अक्टोबर २३ देखि २१ सम्म हुने तय छ।
नेपाल सम्मिलित समूहको खेल ताजकिस्तानमा हुनेछ।
नेपालले पाँचौ पटक यु-२३ छनोट खेल्न लागेको हो। यसअघिका चार छनोटमा नेपाल असफल भएको थियो।
यस्तो छ समूह विभाजन
समूह ए : सिरिया, कतार (आयोजक), यमन, श्रीलंका
समूह बी : इरान, ताजकिस्तान (आयोजक), लेवनान, नेपाल
समूह सी : इराक, बहराइन (आयोजक), अफगानिस्तान, माल्दिभ्स
समूह डी : साउदी अरेबिया, बंगलादेश, कुवेत (आयोजक), उज्वेकिस्तान
समूह ई : युएई (आयोजक), ओमान, भारत, किर्गिस्तान
समूह एफ : जोर्डन (आयोजक), प्यालेस्टाइन, तुर्केमिनिस्तान
समूह जी : अस्ट्रेलिया, चीन, इन्डोनेसिया (आयोजक), ब्रुनाइ
समूह एच : दक्षिण कोरिया, सिंगापुर (आयोजक), इस्ट टिमोर, फिलिपिन्स
समूह आई : भियतनाम, म्यानमार, हङकङ, चाइनिज ताईपेई (आयोजक)
समूह जे : थाइल्यान्ड, मलेसिया, लाओस, मंगोलिया (आयोजक)
समूह के : उत्तर कोरिया, जापान, कम्बोडिया
